Акрамя ўласна вафляў, якія падабаюцца і малым, і дарослым, вафельніцу можна выкарыстоўваць для гатавання і больш арыгінальных страў, прычым не толькі салодкіх, але і салёных.
Калі вы займелі вафельніцу, вам таксама могуць стаць тэрмінова патрэбныя міксер і блендар, каб рабіць цеста. Таксама можа спатрэбіцца сіліконавы пэндзлік для размазвання масла і сіліконавыя шчыпцы для вымання вафель.
У астатнім — цяпер для вас адкрыта безліч магчымасцяў для гатавання простых і смачных страў. Прапануем некаторыя.
Класічныя бельгійскія вафлі
Спатрэбіцца:
- 2 ¼ шклянкі мукі
- 1 ст. лыжка соды
- 3 сталовыя лыжкі цукру
- ½ чайнай лыжкі солі
- 1 чайная лыжка карыцы
- 2 яйкі
- ½ шклянкі алею
- 2 кубкі малака
- 1 чайная лыжка ванільнай эсэнцыі
Як гатаваць:
Злучыце сухія інгрэдыенты ў вялікай місцы. Узбіце яечныя бялкі ў моцную пену. Змяшайце яечныя жаўткі з маслам, малаком і ваніллю, затым дадайце ў муку. У канцы дадайце яечную пену і акуратна змяшайце ўсе разам. Выліце цеста на папярэдне разагрэтую вафельніцу, апырскайце алеем і выпякайце да залацістага колеру.
Амлет у вафельніцы
Спатрэбіцца:
- 2 яйкі
- 1 перац любога колеру
- 1 мясісты памідор
- 1 маленькая цыбуліна
- 2 ст. л. малака
Як гатаваць:
Нарэжце гародніну невялікімі кубікамі. Узбіце яйкі з малаком і прыпраўце па смаку соллю і перцам. Дадайце гародніну да яек. Выліце апалонікам на змазаную тлушчам вафельніцу і выпякайце да гатоўнасці. Падавайце з салатай са свежай гародніны.
Курыная кесадзілля
Спатрэбіцца:
- 2 саспелыя авакада
- 2 ст. л. здробненай чырвонай цыбулі
- 2 ст. л. соку лайма
- 2 ст. л. нарэзаных памідораў
- 5 ст. л. сечанай каляндры
- 8 маленькіх тарцілляў
- 1 1/3 шклянкі цёртага сыру
- 180 г варанай курынай грудкі
Як гатаваць:
Разамніце мякаць авакада ў місцы відэльцам, дадайце цыбулю, сок лайма, памідоры, 1 чайную лыжку каляндры, соль і перац па смаку. Пакладзіце 1 тарціллю на паверхню папярэдне разагрэтай і змазанай маслам вафельніцы. Выкладзіце ў цэнтр 1/3 шклянкі сыру і раўнамерна размяркуеце яго, пакінуўшы па краі 1 см. Зверху пакладзеце ¼ курыцы, нарэзанай невялікімі кавалачкамі, і 1 чайную лыжку каляндры. Накрыйце ўсе другой тарцілляй і запякайце 2—3 хвіліны. Асцярожна зніміце кесадзіллю і прыгатуйце яшчэ тры такія ж з астатнімі інгрэдыентамі. Нарэжце трохкутнікамі і падавайце цёплымі з соусам з авакада.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый5
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1515
Каментары