На аўкцыённай пляцоўцы БУТБ-маёмасць усяго за адну базавую велічыню прадаюць цыліндрычную пабудову з чырвонай цэглы, якая падобная на фрагмент крэпасці, заўважыла Blizko.by. Але гэта ніякая не крэпасць.
Пабудова знаходзіцца па адрасе: Брэст, вул. Хрустальная, 31а. У апісанні лота сказана: «Павярховасць 2-3, год пабудовы — няма звестак, знешняя плошча 208 кв. м, сцены — цэгла». Уласнікам маёмасці з'яўляецца Брэсцкі гарадскі выканаўчы камітэт.
Па фота відаць, што ў ніжняй частцы пабудова ўзмоцненая бетоннымі плітамі. Пошукавікі сведчаць, што гэтая падобная да крэпасці пабудова — старая помпавая станцыя.
Карыстальнікі пакідаюць водгукі на Яндэкс.Картах:
«Стаіць ужо колькі гадоў і нічога не могуць зрабіць ці аднавіць»;
«Пад будынкам лепш не хадзіць. Абсыпаецца цэгла. Уваход у будынак забетанаваны»;
«Разваліны. Можа быць небяспечна».
Пабудова прадаецца ўсяго за адну базавую велічыню (42 рублі).
Пры гэтым у аб'яве сказана, што прадаецца яна пад знос.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый4
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1313
Каментары