Сакрэтная служба ЗША ўсур'ёз занялася Іланам Маскам. Усё з-за аднаго твіта
«Магчыма, Маск дайграўся».
Як паведамляе агенцтва Bloomberg, Сакрэтная служба ЗША распачала расследаванне ў адносінах да мільярдэра Ілана Маска пасля ягонай публікацыі ў Х за 16 верасня, дзе той заявіў, што «ніхто нават не спрабуе забіць Джо Байдэна ці Камалу Харыс».
Гэты допіс Маск пакінуў у адказ на пытанне аднаго з карыстальнікаў X: «Чаму яны спрабуюць забіць Трампа?». Адбываўся гэты дыялог адразу пасля другой спробы замаху на кандыдата ў прэзідэнты ЗША Дональда Трампа.
Праз некаторы час допіс быў выдалены, але захаваўся скрыншот.
«Пазней Маск выдаліў пост і заявіў, што гэта быў жарт. Але гэта ўжо бачылі дзясяткі мільёнаў людзей, уключаючы Сакрэтную службу. Цяпер ведамства ладзіць спецыяльнае расследаванне каб вызначыць, ці ўяўляе Маск непазбежную пагрозу для аднаго з кандыдатаў у прэзідэнты. Пагрозы прэзідэнту або віцэ-прэзідэнту ЗША (якімі цяпер з'яўляюцца Байдэн і Харыс) — гэта злачынства, якое можа панесці за сабой буйны штраф або пакаранне да пяці гадоў турэмнага зняволення», — адзначае Bloomberg.
Зрэшты, агенцтва дапускае, што хутчэй за ўсё Маск патлумачыць Сакрэтнай службе, што не меў на ўвазе нічога сур'ёзнага ў сваёй публікацыі, і для яго не будзе сур'ёзных наступстваў.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый5
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1414
Каментары
А вообще, тренд на лицо.
Дуров, теперь Маск.
К ногтю приводят эти ваши интернеты.
Миллиардов!