Пратасевіч пагражае апублікаваць «кампрамат» — інтэрв'ю з Чудзянцовым, які днямі выходзіць на свабоду
«Вялікае інтэрв'ю з рэальным стваральнікам праекта NEXTA».
Пасля выхаду інтэрв'ю Ксеніі Сабчак з Раманам Пратасевічам, які раней быў адным з рэдактараў праекта «Нехта», заснавальнік «Нехта» Сцяпан Пуціла прапанаваў таму сустрэцца ў Варшаве і абмяняцца ордэнам на ордар: Пуціла яму аддасць «лаўры», а Пратасевіч уручыць «ордар ад КДБ».
Пратасевіч у адказ на гэта выклікаў былога калегу на кулачны бой. І даў суткі на адказ.
А пасля таго, як Пуціла яго праігнараваў, вырашыў прыгразіць іншым на выпадак, калі будзе атрымліваць знявагі ў свой бок.
«У такім выпадку будзе апублікавана вялікае інтэрв'ю з рэальным стваральнікам праекта NEXTA і чалавекам, які аднаасобна вёў праект, пакуль яго сцяг не падхапіў ужо я. Шырокай грамадскасці ён практычна невядомы.
Вы ж не думалі, што ў 15 (або 16, магу памыляцца) гадоў юны Сцяпан, у якога не было ніякіх спазнанняў у медыя, раптам рэзка пачаў казаць прафесійным тэлевізійным складам і пісаць сур'ёзныя матэрыялы? Калі думалі, то ў мяне для вас дрэнныя навіны», — напісаў Пратасевіч у сваім тэлеграм-канале.
Пратасевіч, відавочна, намякае на Уладзіміра Чудзянцова. «Наша Ніва» раней пісала, што журналіст лічыўся адным са стваральнікаў тэлеграм-канала.
У 1990-я Чудзянцоў (тады пад прозвішчам Зуеў) быў аўтарам прапагандысцкіх артыкулаў пра апазіцыянераў. Пасля Крыма-2014 рэзка змяніў пазіцыю, займеў антыпуцінскія і антылукашэнкаўскія погляды.
У лістападзе 2019 года Уладзімір Чудзянцоў быў затрыманы ў цягніку падчас паездкі ў Польшчу. У яго нібыта знайшлі наркотыкі. Канчатковае абвінавачанне было наступным:
- ч. 2 артыкула 343 (распаўсюд порна заведама непаўналетняму) — 2 гады;
- ч. 1 артыкула 328 — захоўванне наркотыкаў;
- ч. 1 артыкула 14, ч. 1 артыкула 328 (замах на незаконны перавоз наркотыкаў праз граніцу) — 4 гады і штраф 27 тысяч рублёў.
Чудзянцоў адбывае пакаранне ў магілёўскай калоніі № 15. Вызваліцца ён мусіць у кастрычніку.
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый4
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1313
Каментары