Сёння ў адміністрацыі Савецкага раёна стартавала новае грамадскае абмеркаванне. Яно прадугледжвае знос 27 сядзіб і амаль паўтара дзясятка грамадскіх будынкаў.
Гэта новы праект, які абмежаваны вуліцай Шырокай — Лагойскім трактам — вуліцамі Лук’яновіча — Гало — Олешава — Максіма Багдановіча, піша Onliner.by.
Плошча ўчастка, які хочуць пераўтварыць, — цэлых 68 га. Немалую частку гэтых самых гектараў займаюць сядзібы. Cтарымі дамы не назавеш, але і «крэпасцямі» таксама — нешта сярэдняе.
Cярод сядзіб часта сустракаюцца двухкватэрнікі (а то і трох-). Таму на 27 прысуджаных да зносу дамоў прыходзіцца 51 кватэра агульнай плошчай крыху больш за 3 тыс. «квадратаў».
Якія сядзібы вырашылі выкрасьліць з гісторыі горада? Дамы па Шырокай, 11, 13, 15, 17, 19, 21, 23, 25. На вуліцы Олешава хочуць знесці тры пабудовы — дамы №4, 6, 8. Тапаграфічная вуліца пазбавіцца дома №18, а першы Тапаграфічны завулак — дамоў №3, 5, 7, 9, 11. Пераносімся на вуліцу Паліграфічную. Тут лішнімі палічылі сядзібы №1, 3, 15, 17, 19, 21. Той жа статус і ў дома №12 па завулку 2-му Паліграфічнаму.
Пабудовы, падзеленыя на дзве-тры кватэры, вельмі нават прасторныя: прыкладна ад 105 да 290 квадратных метраў. Верагодна, развітацца з імі гаспадарам будзе вельмі няпроста: сямейнае гняздо, у сценах гэтых дамоў вырасла не адно пакаленне.
Пра знос астатніх сядзіб (а яны ёсць) гаворка не ідзе. Людзі (і дамы) могуць жыць спакойна.
Пад знос вызначаны і шэраг грамадскіх, а таксама вытворчых аб’ектаў на вуліцах Шырокай, Олешава, Гало, Лук’яновіча і Усходняй.
Аднак у дакументах ёсць агаворка: «Мэтазгоднасць зносу кожнага канкрэтнага аб’екта вызначаецца на наступным этапе праектавання».
Акрамя таго, велізарныя плошчы плануецца вызваліць за кошт зносу гаражоў на вуліцах Шырокай і Олешава. У суме ў кааператывах і індывідуальных гаражах налічваецца пад 2000 машына-месцаў. Калі ўсе будынкі і гаражы будуць знесены, горад прырасце амаль на 100 тыс. свабодных квадратных метраў.
Рэалізаваць задуманае плануюць да 2030 года.
Шпакоўскі пра саўладальніка «Варгеймінга» Кацалапава: Прафінансаваў пратэсты на 296 тысяч даляраў2
Каментары