Паводле расследавання міжнароднай арганізацыі World Forest ID, значная частка драўніны з Беларусі і Расіі незаконна ўвозіцца ў Вялікабрытанію, нягледзячы на санкцыі. Пра гэта піша The Guardian, спасылаючыся на вынікі даследавання.
World Forest ID, створаная ў 2017 годзе, аналізуе драўніну з дапамогай хімічных і генетычных метадаў, каб вызначыць дакладную геаграфічную лакалізацыю прадукцыі. Гэта дае магчымасць выявіць сапраўднае паходжанне матэрыялаў, нават калі яны пазначаныя як прадукцыя з іншых краін.
Паводле высноў даследавання, амаль палову ўзораў бярозавай драўніны, якая нібыта паходзіць з Украіны, Польшчы, Эстоніі ці Латвіі, насамрэч прывозяць з Беларусі або Расіі. Пасля пачатку вайны ва Украіне ўвоз такой драўніны ў ЕС і Вялікабрытанію быў забаронены.
Кіраўніца World Forest ID Джэйд Сондэрс адзначыла, што наяўныя сістэмы кантролю эфектыўныя настолькі, наколькі дакладныя інструменты, з дапамогай якіх яны працуюць.
Таксама адзначаецца, што Беларусь і Расія працягваюць перапрацоўваць драўніну і прадаюць яе праз трэція краіны — Кітай, Казахстан, Турцыю і інш. У ЕС, паводле дадзеных, штодня трапляе каля 22 кантэйнераў з падсанкцыйнай прадукцыяй.
Экалагічная арганізацыя Earthsight пацвярджае гэтыя даныя і дадае, што ў Беларусі выкарыстоўваецца прымусовая праца палітвязняў на лесаперапрацоўцы. Мэбля, спартыўны інвентар, цацкі і паркет у Еўропе вырабляюцца з вырабленай такім чынам фанеры.
Санкцыі супраць Беларусі былі ўведзеныя 2 сакавіка 2022 года і ахапілі лесапрадукцыю, у тым ліку фанеру, піламатэрыялы і пілеты. У сакавіку таго ж года Міжнародная рады дырэктараў Лясной апякунчай рады (FSC) прыпыніла сертыфікацыю лясной прадукцыі з Беларусі і Расіі.
У студзені 2025 года прадстаўнікі беларускага Мінлясгаса заявілі, што галіна амаль цалкам аднавілася пасля санкцый. Паводле ведамства, у 2024 годзе экспарт піламатэрыялаў дасягнуў рэкорду — 1 мільёна кубаметраў. Аднак канкрэтныя краіны, куды ішлі пастаўкі, не называліся.
«Прымусовая праца не з'яўляецца ўласцівай усім калоніям праблемай». Як заходні знак якасці трапляў на тавары, вырабленыя беларускімі вязнямі
Беларусь не змагла знайсці замену еўрапейскім рынкам для продажу пелет
Хто перапрадае беларускі лес у Еўрасаюз і ці замяшаны тут «Пінскдрэў»
У абыход санкцый. Як беларускую драўніну вязуць у ЕС па фальшывых дакументах — расследаванне
Шпакоўскі пра саўладальніка «Варгеймінга» Кацалапава: Прафінансаваў пратэсты на 296 тысяч даляраў2
Каментары