Аляксандр Лукашэнка паставіў перад айчыннымі спецыялістамі пытанне аб наяўнасці ў краіне рэдказямельных металаў. Адпаведную заяву ён зрабіў 4 сакавіка, прымаючы кадравыя рашэнні, піша БелТА.
Лукашэнка зрабіў акцэнт на геолагаразведцы. «Актуальная тэма, — падкрэсліў Аляксандр Лукашэнка. — З прычыны вядомых абставінаў цяпер ва ўсяго свету на слыху тэма здабычы рэдказямельных матэрыялаў. Кажуць, што ў нас у адвалах ёсць рэдказямельныя мінералы. Трэба выведаць і астатняе: і хімія, і нафта, і газ, і іншае. Я ставіў адпаведную задачу перад адпаведным міністрам», — сказаў ён.
Лукашэнка звярнуў увагу, што геолагаразведка ў краіне развіта недастаткова, знаходзіцца на нізкім узроўні. А тэматыка пошуку рэдказямельных металаў выпадае з поля зроку айчынных спецыялістаў.
«Рэдказямельныя металы выгаворвае толькі Трамп у Злучаных Штатах Амерыкі. Вы над гэтым пакуль не задумваліся. Іх шмат не бывае ў зямлі. Можа, у нас не менш, чым у іншых?» — дадаў Лукашэнка.
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый4
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1313
Каментары