Тэлеканал «Беларусь 1» у сваім тэлеграм-канале паведаміў, што Антон Раднянкоў і Іван Краўцоў «гэтай ноччу збеглі за мяжу».
«Цяпер яны знаходзяцца на тэрыторыі Украіны. Іх калега Марыя Калеснікава спрабавала незаконна пакінуць тэрыторыю Рэспублікі Беларусь, але была затрыманая на мяжы» — гаворыцца ў паведамленні.
У Дзяржпамежкамітэце не змаглі пацвердзіць гэтую інфармацыю, паўтарыўшы, што памежны кантроль прайшлі ўсе трое.
Украінскія СМІ спасылаюцца ў сваю чаргу на інфармацыю Памежнага камітэта Беларусі.
Нагадаем, раніцай 7 верасня невядомыя людзі ў цэнтры Мінска пасадзілі Марыю Калеснікаву ў мікрааўтобус з надпісам «Сувязь» і павезлі ў невядомым кірунку. Таксама на сувязь перасталі выходзіць прадстаўнікі Каардынацыйнай рады Антон Раднянкоў і Іван Краўцоў. Пазней стала вядома, што ў кватэры Івана Краўцова супрацоўнікі ДФР КДК правялі ператрус.
Увечары родныя Марыі Калеснікавай падалі ў міліцыю заяву аб яе знікненні. У міліцыі заяву прынялі.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый5
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1414
Каментары