«Уся гэта вайна нам нах** не патрэбна». Cмерць Прыгожына адбілася на настроях беларускіх і расійскіх прапагандыстаў
Прапагандысты і блогеры-шавіністы з дзвюх краін былі шакаваныя навіной аб смерці Яўгена Прыгожына. Адны працягвалі яго ўсхваляць, другія баязліва прамаўчалі, а некаторыя накінуліся на Лукашэнку і Пуціна.
Учарашняя навіна аб смерці кіраўніка ПВК «Вагнер» Яўгена Прыгожына ад збіцця яго самалёта ў небе над Расіяй выклікала бурную рэакцыю Z-каналаў.
Многія, нягледзячы на нядаўні мяцеж вагнераўцаў, прыняліся аплакваць і апяваць Прыгожына, а таксама актыўна шукаць вінаватых у яго смерці ў шэрагах «чужых» і нават «сваіх». Знайшліся і тыя, хто адкрыта заклікаў маўчаць і ніяк не каментаваць таго, што адбылося.
Расійская прапаганда
Расійскія сістэмныя прапагандысты стараюцца згладзіць, замаўчаць інцыдэнт.
«Калегі, я свядома маўчу і вам гэта ж раю. Маўчанне цяпер — даражэйшае за золата», — напісаў учора тэлевядоўца Уладзімір Салаўёў.
Але знайшліся і тыя, хто пачаў люта нападаць і на Лукашэнку, успамінаючы тое, як ён уласна даваў «гарантыі бяспекі» Прыгожыну.
У той жа час звяртае ўвагу той факт, што радыкальныя шавіністы і тыя прапагандысты, якія фінансаваліся ПВК «Вагнер», не хаваюць свайго шоку і азлаблення.
Лукашэнкаўская прапаганда
У той жа час прапагандысты Лукашэнкі таксама не хавалі сваёй сімпатыі і павагі да Прыгожына, хоць той адкрыта выступаў супраць Уладзіміра Пуціна.
Частка з лукашэнкаўцаў проста не можа паверыць, што Прыгожына вось так могуць знішчыць.
Крыху пазней Аляксандр Шпакоўскі пачаў апраўдваць Лукашэнку і дадзеныя ім «гарантыі бяспекі» Прыгожыну, бо гэтыя гарантыі не распаўсюджваліся на тэрыторыю па-за Беларуссю, а сам рэжым не адсочвае і не адказвае за перамяшчэнне і дзеянні кіраўніка «Вагнера», калі ён не знаходзіцца ў Беларусі.
Але, магчыма, самай красамоўнай была першая рэакцыя Шпакоўскага.
«Беражыце нашу беларускую дзяржаву. Гэта галоўная каштоўнасць. Нічога даражэйшага ў нас няма», — напісаў Шпакоўскі.
Нагадаем, што раней мы пісалі, як прапагандысцкія каналы рэагавалі на сам бунт Яўгена Прыгожына, які адбываўся яшчэ ў чэрвені.
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый4
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1212
Каментары