Габрыэлюс Ландсбергіс: Украіна мае права біць па расійскіх ваенных цэлях за межамі Расіі
У Празе сёння праходзіць сустрэча міністраў замежных справаў NATO.
Міністр замежных спраў Літвы Габрыэлюс Ландсбергіс перад пачаткам саміта кіраўнікоў МЗС краін NATO ў Празе адказаў на пытанне Радыё Свабода, ці мусіць Украіна паражаць і цэлі ў Беларусі.
«Я маю на ўвазе тое, што Украіна павінна мець здольнасць абараняцца. Калі Расія, баючыся, што цэлі могуць быць пад ударам у Расіі, можа перанесці іх кудысьці яшчэ, то я думаю, што выбар цэляў мусіць быць перанесены таксама»,— адказаў кіраўнік МЗС Літвы Габрыелюс Ландсбергіс.
У Празе сёння праходзіць сустрэча міністраў замежных справаў NATO.
31 мая афіцыйны прадстаўнік ураду Нямеччыны Штэфан Гэбэштрайт заявіў, што Украіна можа выкарыстоўваць перададзеную ёй зброю па расійскіх аб’ектах. Нямецкі ўрад ухваліў адпаведнае рашэнне.
Учора стала вядома, што Джо Байдэн таксама негалосна дазволіў Украіне выкарыстоўваць амерыканскую зброю для ўдараў па вайсковых аб’ектах на тэрыторыі Расіі, але толькі на мяжы з Харкаўскай вобласцю, дзе расейскія войскі вядуць наступ.
Данія, Фінляндыя і Канада дазволілі Ўкраіне ўжываць пастаўленую імі зброю для ўдараў па цэлях на тэрыторыі Расіі. Раней падобныя заявы зрабілі Польшча, Вялікабрытанія і Швецыя; за паслабленне абмежаванняў на выкарыстанне заходняй зброі выступаюць Францыя, Нідэрланды, Чэхія, Літва, Латвія і Эстонія.
Цяпер чытаюць
Лукашэнка апраўдваецца за ідэю з прыездам 150 тысяч пакістанцаў — гэта, каб «захаваць наш народ»27
Каментары