Халезін распавёў, калі і дзе выйдзе спектакль пра Сныціну са Сныцінай
Мікалай Халезін апублікаваў пост, у якім распавёў пра прэмʼеру спектакля KS6: SMALL FORWARD.
Спектакль заснаваны на асабістай гісторыі Кацярыны Сныцінай, зоркі жаночага баскетбола, вымушанай пакінуць Беларусь.
Яго пакажуць у Нью-Ёрку.
«Эксперыментальны Тэатральны клуб La MaMa адкрые цяперашняй восенню свой 63-ы сезон новай працай, створанай сусветна вядомым беларускім Свабодным тэатрам — KS6: SMALL FORWARD — пранізлівай пастаноўкай аб алімпійскай спартсменцы і зорцы жаночага баскетбола, першай і адзінай папулярнай спартыўнай постаці ў гісторыі Беларусі, якая адкрыта заявіла аб сваёй гомасэксуальнасці, і якая цяпер жыве ў выгнанні як актыўны змагар супраць дыктатуры, пануючай у яе роднай краіне», — так абвясціла прэм'еру Міа Ю, мастацкі кіраўнік тэатра La MaMa.
Спектакль заснаваны на гутарках з зоркай баскетбола Кацярынай Сныцінай, адаптаваны для сцэны і пастаўлены са-заснавальнікамі БСТ Мікалаем Халезіным і Наталляй Калядай.
Наталля Каляда кажа: «Каб быць свабодным, трэба быць смелым. Менавіта гэта мы знайшлі ў гісторыі Каці: жанчыны, якая выступіла супраць дыктатуры і пакінула нацыянальную зборную па баскетболе ў знак салідарнасці з беларускім народам і супраць гвалту. На пляцоўцы яна гуляла «лёгкага форварда», набіраючы ачкі, абараняючыся, ствараючы адкрытыя лініі і робячы падборы для ўсёй каманды. Гісторыя Каці дапамагла нам зразумець, што «лёгкі форвард» — гэта спосаб быць свабодным».
Папярэднія прагляды пачнуцца 21 верасня, а прэс-адкрыццё адбудзецца 23 і 24 верасня ў будынку тэатра Элен Сцюарт у Нью-Ёрку. Спектакль працягнецца да 13 кастрычніка.
«Гэта будзе сенсацыя, бо ніхто такога не чакаў». Здаецца, стала вядома, чым будзе займацца Сныціна
«Саня, глядзі, як трэба прыгожа сыходзіць». Кацярына Сныціна — пра тое, чым будзе займацца пасля завяршэння баскетбольнай кар'еры
Кацярына Сныціна выйграла апошні матч у кар'еры. Гуляць яна выйшла ў незвычайных красоўках
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый4
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1313
Каментары