Былы палітвязень пра Бабарыку: Гадзіннікі ўсім дазваляюць, а вось такая роба — паказуха
Праваабаронца і былы палітвязень Леанід Судаленка пракаментаваў сённяшнія фотаздымкі Віктара Бабарыкі.
Судаленка канстатуе, што выглядае Віктар Дзмітрыевіч стомленым.
«Для чалавека, якому ўжо за 60 і якому на галаву зваліліся такія выпрабаванні, я сказаў бы норм. Паголены, пастрыжаны, гузік зашпілены — знешні выгляд там патрабаванне рэжыму.
Гадзіннік на руцэ дазваляюць усім і на любы густ, не было ніколі ў палітычных з гэтым праблем. А вось новенькая са шкломатэрыялу «роба» ці кліфт, як яго тамака завуць, сапраўды паказуха для фота. У такіх незасціраных кліфтах хіба што ў карантыне пасля этапу першы тыдзень вязні так выглядаюць», — піша Судаленка.
Былы палітвязень, які адбываў пакаранне ў іншай калоніі, — ПК №3 у Віцебску, мяркуе, што Бабарыку маглі здымаць у «пакоі псіхолага ў лагерным клубе ці блізка да таго».
«Успамінаю, на падобную канапу мяне якраз псіхолаг садзіў, калі разам са шклянкай вады аддаваў тэлеграму пра смерць бацькі…» — узгадвае ён.
Тое, што змог прамовіць Віктар Дзмітрыевіч на відэа, Судаленка просіць не абмяркоўваць, «бо ў закладнікаў няма выбару».
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый4
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1212
Каментары