Грамадства2525

«Сыходзьце на транзіт». Латушка звярнуўся да Лукашэнкі, Рыжанкова і Пяткевіч

«Калі вы сапраўды лічыце, што для вас Беларусь уяўляе каштоўнасць і важная дзяржаўнасць нашай краіны, ёсць толькі адзін спосаб».

У новым выпуску ТОК у былога пасла і міністра культуры, а цяпер аднаго з лідараў апазіцыі Паўла Латушкі спыталі, што б ён хацеў сказаць Лукашэнку.

«Я думаю, што Лукашэнка паставіў сабе жыццёвай мэтай увесці такое паняцце як «лукашызм». Але лукашызм, так як і фашызм, нацызм, сталінізм, сыдзе ў нябыт.

Таму, Аляксандр Рыгоравіч, вы павінны дакладна разумець, што гэта не атрымаецца рэалізаваць. Лукашызму не будзе ў Беларусі. Як толькі вы сыдзеце ў іншы свет ці будзеце зрынуты са сваёй пасады, гэта ўсё спыніцца, сыдзе ў нябыт і якраз такі будзе прадметам вельмі жорсткай крытыкі ў гісторыі.

Таму сёння, калі вы сапраўды лічыце, што для вас Беларусь уяўляе каштоўнасць, важная дзяржаўнасць нашай краіны, ёсць толькі адзін спосаб — сыходзьце на транзіт.

Так, мы б, зразумела, марылі ўсе, каб вы сышлі, зніклі з нашай краіны, спынілі сваю прысутнасць у Беларусі, але як першы крок — сыдзіце на транзіт.

Наступны крок: трэба зрабіць усё — я разумею, што зрабіць гэта цяпер дэманстратыўна будзе складана, — каб мінімізаваць расійскую прысутнасць у Беларусі, генералаў, якія побач з вамі. Паглядзіце, хто з іх сапраўды адданыя вам. Магчыма, яны адданыя, але перадусім адданыя Расіі і Пуціну», — выказаўся Павел Латушка.

Фота: Pavel Bednyakov / AP Photo

Палітык таксама звярнуўся да РыжанковаПяткевіч і іншых людзей з атачэння дыктатара:

«Думайце, перад тым, як падпісваць сёння нейкія рашэнні. Думайце перад тым, як узгадняць нейкія рашэнні. У будучым вам давядзецца адказваць за іх. Я не кажу пра крымінальную адказнасць. Я кажу пра маральную адказнасць. Я думаю, што ў вас дастаткова інтэлекту, здольнасцей для таго, каб разумець тое, што вы робіце цяпер.

Вы цудоўна разумееце, што Лукашэнкі заўтра не будзе. Ужо сёння трэба зрабіць усё для таго, каб як толькі яго не было ў нашай краіне, каб мы змаглі захаваць Беларусь, каб беларус з беларусам змаглі дамовіцца.

Пхайце Лукашэнку на транзіт, упэўнівайце (…) Лукашэнку, што яму трэба сысці на транзіт і стварыць магчымасці, каб паспрабаваць збалансаваць знешнюю палітыку краіны. А гэта значыць і аснову, фундамент, на якім стаіць Беларусь.

Таму што беларускае грамадства ў абсалютна большасці за тое, каб жыць у незалежнай краіне. Перашкодай гэтаму з'яўляецца Лукашэнка і яго сістэма, створаная ўнутры краіны».

Каментары25

  • Герасим
    28.01.2025
    Заклинаниями и просьбами власть не сменишь
  • Acab
    28.01.2025
    Былы Палпалыч ажніяк ад пералічаных неадрозны, такі ж вечны бюракрат
  • Лукашэнка
    28.01.2025
    Ишчо чуць-чуць и пайду

Цяпер чытаюць

Пасля дэфіцыту бульбы і капусты ўлады спрабуюць не дапусціць калапсу з агуркамі — у некаторых гарадах не хапае

Пасля дэфіцыту бульбы і капусты ўлады спрабуюць не дапусціць калапсу з агуркамі — у некаторых гарадах не хапае

Усе навіны →
Усе навіны

Дзеячы культуры наракаюць, што музыкант Пятро Клюеў пазычыў у іх грошы і не аддае месяцамі13

Кітайская армія заняла спрэчны рыф Сэндзі-Кей у Паўднёва-Кітайскім моры12

«Увесь дзень мы будзем абрынаць сайты». Абяцалі мегааперацыю, зрабілі банальную ддос-атаку7

Брат Вальфовіча стаў вайсковым камісарам Мінскай вобласці6

У Іспаніі знайшлі абломкі буйнога карабля часоў Сярэднявечча

Чаму Ціханоўская не паехала на пахаванне Папы?42

ФСБ заявіла пра затрыманне падазраванага ў забойстве генерала Маскаліка. Магчыма, яго дэпартавалі з Турцыі6

Папу Францішка пахавалі ў базыліцы Санта-Марыя-Маджорэ5

На ўкраінска-беларускай мяжы паставілі білборды ў памяць пра Чарнобыльскую трагедыю ФОТАФАКТ1

больш чытаных навін
больш лайканых навін

Пасля дэфіцыту бульбы і капусты ўлады спрабуюць не дапусціць калапсу з агуркамі — у некаторых гарадах не хапае

Пасля дэфіцыту бульбы і капусты ўлады спрабуюць не дапусціць калапсу з агуркамі — у некаторых гарадах не хапае

Галоўнае
Усе навіны →

Заўвага:

 

 

 

 

Закрыць Паведаміць