Самы гнуткі сенатар ЗША пасля крытыкі Трампам расійскіх удараў па Украіне нагадаў пра дадатковыя санкцыі супраць РФ
Амерыканскі сенатар-рэспубліканец Ліндсі Грэм нагадаў аб сваім законапраекце, які прадугледжвае ўвядзенне другасных пошлін на імпарт нафты, газу, урану і іншых прадуктаў з Расіі, піша «Еўрапейская праўда».
Каментарый Грэма з'явіўся на фоне таго, як прэзідэнт ЗША Дональд Трамп раскрытыкаваў апошнія ўдары РФ па грамадзянскіх гарадах Украіны і выказаў сумненне, што гаспадар Крамля Уладзімір Пуцін хоча завяршыць вайну. Ён таксама прыгразіў Расіі санкцыямі.
У адказ Грэм заявіў, што шануе намаганні Трампа і яго каманды, якія «працуюць над тым, каб сумленным і справядлівым чынам пакласці канец вайне ва Украіне, развязанай варварскім уварваннем Пуціна».
«Што да дадатковых санкцый у дачыненні да пуцінскай Расіі, я прадставіў законапраект, падтрыманы амаль 60 членамі абедзвюх партый, які прадугледжвае ўвядзенне другасных пошлін на імпарт нафты, газу, урану і іншых прадуктаў з Расіі», — адзначыў ён.
Паводле слоў Грэма, Сенат «гатовы рухацца ў гэтым напрамку і зробіць гэта пераважнай большасцю галасоў, калі Расія не прыме сумленны, справядлівы і трывалы мір».
Перад пахаваннем Папы 26 красавіка адбылася сустрэча прэзідэнта Украіны Уладзіміра Зяленскага і яго амерыканскага калегі Дональда Трампа. Сустрэча адбылася на фоне ціску ЗША на Кіеў у спробах пакласці канец вайне РФ супраць Украіны.
Сенатар Ліндсі Грэм ад рэспубліканцаў раней займаў выразна праўкраінскую пазіцыю, але пасля прыходу Трампа стаў крытыкаваць кіраўніцтва Украіны. Пасля канфлікту ў Белым доме паміж Зяленскім і Трампам Грэм заявіў, што не ведае, ці зможа адміністрацыя Трампа «зноў мець справу з Зяленскім» і заклікаў кіраўніка Украіны пайсці ў адстаўку. За такую хуткую змену рыторыкі Грэма ў СМІ назвалі самым гнуткім сенатарам.
Беларускім топ-чыноўнікам у Валгаградзе раздалі каларадскія стужкі. Марзалюк застаўся з яблыневай ФОТЫ8
Каментары