Гродзенка аддала за нарошчаныя валасы амаль пяць тысяч рублёў — за што такія грошы?
Блогерка з Гродна Алеся Баклага распавяла, у колькі ёй абышлася мара — працэдура па нарошчванні валасоў. Канчатковую суму ў 4 595 рублёў цяпер абмяркоўваюць усім тыктокам. «Гэта рофл?» — задаюцца пытаннем каментатары.
Алеся распавяла, што капіла на валасы сама. Абрала галівудскае нарошчванне, якое лічыцца самым літасцівым: ад яго менш цярпяць уласныя валасы.
«У мяне дзіцячая натуральная славянка, і гэта самы дарагі волас. Увогуле валасы даўжынёй 65 см было вельмі складана знайсці, таму мы спачатку ўзялі адзін пучок — 66 сантыметраў каштавалі 2 600 рублёў. Пасля дадалі другі, за 1 475 — ён быў больш порысты і максімальна падобны да маіх родных. З гэтых двух пучкоў трэба было зрабіць адзіны трэс — валасы сшываюцца на спецыяльнай машынцы адзін раз. За гэта я аддала 320 рублёў. Само нарошчванне каштавала яшчэ 200 рублёў».
Трэс, які майстрыха стварыла для дзяўчыны, павінен праслужыць цягам мінімум трох гадоў.
«А калі я буду іх беражліва даглядаць — хоць да пенсіі. Адзінае, за што я буду плаціць яшчэ — за карэкцыю: 200 рублёў раз на паўтара месяца».
Дадаткова дзяўчыне прыйшлося раскашэліцца на новы фен. «Каб сушыць новую даўжыню, я купіла сабе Dyson», — распавяла блогерка. Цэны на стайлеры гэтай маркі ў Беларусі стартуюць ад 1800 рублёў, у залежнасці ад функцыяналу і мадэлі.
У каментарах Алеся сабрала шмат меркаванняў. Многія адзначылі, што ёй вельмі пасуе новая даўжыня і падтрымалі рашэнне дзяўчыны здзяйсняць свае мары. Былі і тыя, хто не разумее такіх трат на валасы.
«Я моцна люблю грошы, каб іх так бяздумна траціць», «Лепш вандраваць са сваімі валасамі, паглядзець свет», — лічаць адны каментатары. Некаторыя ж увогуле напісалі, што не разумеюць, як можна насіць на сабе чужыя валасы.
Беларускім топ-чыноўнікам у Валгаградзе раздалі каларадскія стужкі. Марзалюк застаўся з яблыневай ФОТЫ8
Каментары
А калі папраўдзе, лепш бы на ліпасакцыю пуза аддала. Ці адразу на зашыванне страўніка.
Поўнасцю пагаджаюся з каментарамі тыпу 2 і 3.