Следчы камітэт палохае наступствамі за святкаванне Дня Волі. Як правільна дзейнічаць у такой сітуацыі, піша Мікола Бугай.
Хто яшчэ не адкінуў ілюзій, адкіньце. Мы маем бесчалавечны рэжым, які існуе на сродкі Масквы. За гэтыя гіганцкія грошы яны трымаюць гіганцкія рэпрэсіўныя структуры і прапагандысцкі апарат. Такіх памераў структур кантролю над грамадствам няма нідзе ў Еўропе — толькі ў Расіі і Беларусі.
Яны ўжо выкаранілі беларускую мову, якая была галоўным, што адрознівала беларусаў ад іншых народаў.
Яны знішчылі палітычныя інстытуты: у краіне няма парламента. У краіне няма незалежных судоў, незалежных СМІ — усіх і ўсё прызначае падкантрольны Маскве прэзідэнт. У краіне нават ліквідаваная грамадзянская супольнасць — тое, што расло знізу.
У прыватныя прадпрыемствы па новым законе дырэктараў будуць узгадняць.
І ўсё гэта пад нядрэмным вокам 60 тысяч камер відэаназірання, на нашыя ж грошы пастаўленых, якія робяць любы пратэст унутры краіны самаахвярнасцю з няясным канцом. Зараз іх задача — застрашыць і беларусаў у Вольным свеце, свайго роду «канчаткова вырашыць» беларускае пытанне.
«Нас б'юць і плакаць не даюць» — помню гэтыя словы немаладой рабочай з Пінска на адным са стрымаў «Радыё Свабода».
Логіка дзеяння ў такой сітуацыі ясная.
Яны гоняць на свае хакеі? Значыць, трэба ўхіляцца ад паходаў на іх.
Яны прымушаюць падпісвацца на «СБ»? Хай гэтыя газеты вісяць у туалетах.
Яны скаляць зубы з нагоды закрыцця «Радыё Свабода»? Значыць, трэба змагацца, каб яно засталося працаваць.
Яны нападаюць на Ціханоўскую і Байсол? Значыць, гэтыя людзі і структуры нармальна выконваюць свае задачы.
Яны падхвальваюць Трампа і Пазняка? Значыць, гэтыя людзі робяць штосьці выгаднае ім.
Так і з Днём Волі. Кожны беларус накрые стол найлепшым белым абрусам і паставіць на яго кветкі ці коцікі. А найбольшы гонар і павага — тым, хто маюць магчымасць і смеласць адзначыць яго публічна. Так, не ўсе маюць, не ўсім варта рызыкаваць. Але, раз ад Дня Волі так плюшчыць, так круціць ворагаў Беларусі — значыць, хвала рукам, якія трымаюць сцяг.
Інаўгурацыю Лукашэнкі паставілі на Дзень Волі
Калі Амерыка здрадзіць Украіне, свет зменіцца незваротна
Што будзе з Беларуссю пасля размовы Трампа і Пуціна?
Чаму беларускія СМІ пішуць пра добраахвотнікаў столькі, колькі пішуць
«Ён на наступны тэрмін не будзе абірацца». Словы Лукашэнкі 26 студзеня аналізуе Мікола Бугай
Цяпер чытаюць
«Падняў бы ж*пу, праехаў па магазінах». Праўладная блогерка абрынулася на Азаронка за хлусню пра бульбу23
Каментары
[Зрэдагавана]