«Цэнтр Масквы стаў ваеннай цэллю». Расійскае дзяржаўнае СМІ расказала, як аператар дрона атакуе Украіну з «Масква-Сіці»
Пасля абурэння Z-блогераў дзяржаўнае агенцтва выдаліла і відэа, і артыкул.
Расійскае дзяржаўнае агенцтва «РИА Новости» раптоўна апублікавала расказ пра тое, як аператар FPV-дрона «Овод» працуе па цэлях ва Украіне проста з офіса ў хмарачосе ў «Масква-Сіці».
У відэа, апублікаваным у тэлеграм-канале агенцтва, мужчына ў куртцы з нашыўкай у выглядзе чэрапа і косцей расказаў, што трапіў у цэль УСУ пад горадам Часаў Яр у Данецкай вобласці. Ён нібыта кіраваў беспілотнікам з дапамогай новай сістэмы «Арбіта» з апартаментаў у цэнтры Масквы.
Аператар дрона расказваў пра вынікі ўдару ў памяшканні, з акна якога відаць шматпавярхоўкі «Масква-Сіці».
«Мы знаходзімся ад месца падзей больш чым за тысячу кіламетраў. Прымяненне прайшло паспяхова», — заяўляў ён.
Публікацыю пачалі актыўна крытыкаваць расійскія праваенныя блогеры, заўважыла «Медуза».
«Я правільна зразумеў, што пасля гэтага відэа ў выпадку далёту БПЛА-камікадзэ па шматпавярхоўках у Маскве — праціўнік будзе заяўляць, што біў па аператарах БПЛА?» — напісаў канал Romanov Лайт.
«Вось так Масква-Сіці раптам стаў законнай ваеннай цэллю. Малайцы, пахваліліся», — адзначыў канал «Империя очень зла».
Неўзабаве пасля гэтага з публікацыі «РИА Новости» знікла згадка пра «Масква-Сіці», а пасля дзяржагенцтва наогул выдаліла відэа. Цяпер недаступная і навіна на сайце «РИА Новости».
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый5
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1414
Каментары