Актрыса Купалаўскага Тамара Міронава стала народнай артысткай. Разам з Няфёдавай яны выступалі на адкрыцці алкамаркета
Актрысе Купалаўскага тэатра Тамары Міронавай далі ганаровае званне народнага артыста Беларусі.
Яна падзякавала Лукашэнку.
«Вы адкрылі новыя старонкі ў нашым тэатры. Тэатры дзяржаўным, нацыянальным. Тэатры імя Янкі Купалы. Вы нам паверылі, і мы вас не падвялі. Я ганаруся, што ў нас цяпер ёсць рэжысёр, маладыя артысты, што нараджаецца новы малады тэатр. Гэта выдатна!» — прыводзіць яе словы БелТА.
Раней яе калега Вольга Няфёдава скардзілася, што іх абедзвюх паўтара года не запрашаюць здымацца ў кіно.
«Таму што там такія ж ціхушныя змагары з рэжымам трымаюцца за хлапушку і нас не пускаюць. А маскоўскія рэжысёры як прыязджалі, так і прыязджаюць здымаць у Мінск, але нашы кастынг-дырэктары нас ім не паказваюць, вось і ўсё», — казала Няфёдава.
У чэрвені 2021 года Міронава і Няфёдава выступілі на адкрыцці крамы алкаголю «Белмытнясэрвіс» у Маладзечне. Яны паказалі ўрывак са спектакля «Паўлінка».
3 ліпеня былі ўзнагароджаныя і іншыя дзеячы культуры.
Ордэн Францыска Скарыны атрымаў прафесар кафедры музычнай педагогікі, гісторыі і тэорыі выканальніцкага мастацтва Беларускай дзяржаўнай акадэміі музыкі Вадзім Яканюк, медаль Францыска Скарыны — дырэктар Магілёўскага абласнога тэатра лялек Уладзімір Андрэенка.
Нагрудныя знакі да ганаровага звання Заслужаны дзеяч культуры ўручылі мастаку-скульптару, прафесару кафедры скульптуры Беларускай дзяржаўнай акадэміі мастацтваў Аляксандру Фінскаму, Заслужанага артыста атрымалі артыст балета Дзяржаўнага акадэмічнага ансамбля танца Аляксандр Глазко, мастацкі кіраўнік Музычнага прадзюсарскага цэнтра «Залатыя галасы» Валерый Шмат і вядучы майстар сцэны Нацыянальнага акадэмічнага драматычнага тэатра імя М. Горкага Руслан Чарнецкі. Нагрудны знак да ганаровага звання народнага артыста Беларусі ўручылі артысту балета Нацыянальнага акадэмічнага Вялікага тэатра оперы і балета Антону Краўчанку.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый2
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1212
Каментары