Вайна55

НАТА: Ва Украіне забітыя або параненыя больш за 350 тысяч вайскоўцаў РФ

Страты Расіі ў агрэсіўнай вайне супраць Украіны апошнім часам значна ўзраслі, сцвярджаюць у альянсе, спасылаючыся на ўласныя ацэнкі. Гэтыя ацэнкі ніжэйшыя за звесткі Мінабароны Украіны, піша Deutsche Welle. 

Ілюстрацыйнае фота: Ashley Chan/SOPA Images/LightRocket via Getty Images

Паводле ацэнак НАТА, страты Расіі ў вайне супраць Украіны апошнім часам значна ўзраслі, заявіў у чацвер у Бруселі генеральны сакратар Паўночнаатлантычнага альянсу Енс Столтэнберг. Паводле агучанай ім інфармацыі, заходнія разведслужбы мяркуюць, што колькасць забітых і параненых расейскіх жаўнераў перавысіла лічбу 350 тысяч. Па словах генеральнага сакратара, краіна-агрэсар плаціць вельмі высокую цану за «нязначныя» тэрытарыяльныя заваёвы.

Украінскія атакі таксама патапілі або вывелі са строю значную частку расійскага Чарнаморскага флоту, дадаў Столтэнберг. У паветранай вайне Украіна, апроч іншага, збівае важныя і дарагія самалёты далёкага радыёлакацыйнага выяўлення і кіравання.

Генеральны сакратар НАТА гэтым разам не ўдакладніў асобна колькасці загінулых расійскіх вайскоўцаў. У канцы лістапада 2023 года ў альянсе казалі, што такіх значна больш за 100 000 — на той момант агульныя страты ацэньваліся больш чым у 300 тысяч салдат арміі РФ.

Паводле звестак украінскага Міністэрства абароны, паводле стану на 14 сакавіка колькасць толькі загінулых на вайне супраць Украіны расійскіх вайскоўцаў складае 427 840 чалавек. Гэтыя паказчыкі, як і лічбы НАТА, не могуць быць пацверджаныя незалежнымі экспертамі ва ўмовах вайны. Расійскі бок дакладнай інфармацыі пра свае страты не дае.

Енс Столтэнберг настойліва заклікаў краіны альянсу пашырыць вайсковую дапамогу Украіне, якая ўжо трэці год абараняецца ад поўнамаштабнага расейскага ўварвання.

«Мужнасць украінцаў не вычэрпваецца, у іх заканчваюцца боепрыпасы», — заявіў ён, прадстаўляючы выніковую справаздачу за 2023 год.

Столтэнберг выказаў упэўненасць, што разам краіны НАТА маюць магчымасць даць Украіне тое, у чым яна мае патрэбу, каб і далей супрацьстаяць агрэсару. «Усе саюзнікі павінны знайсці сродкі і дзейнічаць хутка», — падкрэсліў ён.

У краін НАТА ёсць патэнцыял забяспечыць усім неабходным Украіну, але патрэбна палітычная воля, указаў ён, спаслаўшыся на сітуацыю ў ЗША, дзе рэспубліканцы ў парламенце ўжо некалькі месяцаў блакуюць працяг маштабнай дапамогі Украіне.

Пры гэтым кіраўнік НАТА спаслаўся на праведзенае альянсам апытанне, падчас якога дзве траціны рэспандэнтаў з краін, якія ўваходзяць у яго, выказаліся за працяг падтрымкі Украіны.

Кожны дзень прамаруджання мае наступствы на полі бою, наступіў «вырашальны момант», каб не дазволіць прэзідэнту РФ Пуціну перамагчы, у адваротным выпадку гэта стала б «сур'ёзнай гістарычнай памылкай», падкрэсліў ён.

Каментары5

  • Спадар
    15.03.2024
    СЛАВА УКРАІНСКІМ ВАЯРАМ!
  • Ы
    15.03.2024
    Типок Вагнерок, ты еще напиши что и убийство пригожина это тоже враньё
  • Типок Вагнерок
    15.03.2024
    Ы, что, не ждали Типка Вагнерка? А я вернулся! После месяцев под Авдохой. Славно поработали. Много впечатлений. Из самого яркого: кровь человеческую пил, прям как Дракула. Раньше вот не приходилось. Человечину попробовал. Сейчас в Белоруссии отдохну. А чего добились тем временем вЫ?

Беларус жыве ў доме, які пабудаваў з саломы, пяску і гліны. Пры гэтым ён — адзіны жыхар вёскі. Як адчуванні?7

Беларус жыве ў доме, які пабудаваў з саломы, пяску і гліны. Пры гэтым ён — адзіны жыхар вёскі. Як адчуванні?

Усе навіны →
Усе навіны

На волю выйшаў палітвязень з Гомеля, якога судзілі па цяжкіх артыкулах

Стала вядома, за што асудзілі кіраўніка беларускага Ernst & Young Паўла Лашчанку4

У Наваполацку на футбольным матчы ішоў снег ВІДЭА

На «Камунарцы» патлумачылі, чаму цэны на іх цукеркі радыкальна ўзляцелі за адзін дзень10

Дзяніс Кучынскі ў Ватыкане гаварыў з Сергеенкам і Амбразевічам19

Пасля сустрэчы з Зяленскім Трамп абрынуў абвінавачанні на Пуціна12

Пуцін заявіў пра гатоўнасць да перамоваў з Кіевам «без папярэдніх умоў»3

«Там смурод такі стаяў». Беларус паскардзіўся на апарышаў у яйках, што прадаваліся ў краме пад Магілёвам2

Чаму па-беларуску няправільна казаць «Папа Рымскі»?19

больш чытаных навін
больш лайканых навін

Беларус жыве ў доме, які пабудаваў з саломы, пяску і гліны. Пры гэтым ён — адзіны жыхар вёскі. Як адчуванні?7

Беларус жыве ў доме, які пабудаваў з саломы, пяску і гліны. Пры гэтым ён — адзіны жыхар вёскі. Як адчуванні?

Галоўнае
Усе навіны →

Заўвага:

 

 

 

 

Закрыць Паведаміць