ЗША папярэдзілі Расію аб падрыхтоўцы тэракту, але інфармацыі не хапіла, каб выявіць тэрарыстаў — Нарышкін
Паміж Расіяй і ЗША дзейнічае контртэрарыстычны канал, але ён абмежаваны.
Кіраўнік Службы знешняй разведкі заявіў, што ФСБ атрымала «пэўную інфармацыю з боку спецслужбаў ЗША аб тым, што такое (тэракт), на жаль, магчыма». Пры гэтым, па словах Сяргея Нарышкіна, «інфармацыя была занадта агульнай і не дазволіла да канца выявіць тых, хто ўдзельнічаў у гэтым страшным злачынстве», піша «Медуза».
Дырэктар СЗР адзначыў, што паміж Расіяй і ЗША дзейнічае контртэрарыстычны канал, але ён абмежаваны. Па словах Нарышкіна, узровень міждзяржаўнага супрацоўніцтва «апушчаны вельмі-вельмі нізка».
Спецслужбы ЗША паведамілі Расіі аб падрыхтоўцы тэракту на тэрыторыі РФ у пачатку сакавіка. Інфармацыю пра гэта распаўсюдзіла амбасада ЗША ў Маскве. Таксама з папярэджаннямі выступілі некалькі еўрапейскіх дзяржаў.
Дырэктар ФСБ Аляксандр Бортнікаў прызнаў, што ЗША папярэджвалі аб падрыхтоўцы тэракту ў месцах масавага збору грамадзян, але інфармацыя насіла агульны характар і «на той момант не пацвердзілася». Па даных газеты The New York Times, ЗША паведамілі Расіі толькі частку наяўнай у іх інфармацыі, каб не раскрываць крыніцу гэтых даных.
Пацярпелыя пры тэракце ў «Крокусе» звярнуліся ў СК з заявай супраць уладальнікаў канцэртнай залы
У маскоўскім аддзеле паліцыі памёр ураджэнец Чачні, якога затрымалі пасля тэракта ў «Крокусе»
«Перад вачыма стаіць гэты мой забег і словы з песні пра мышалоўку». Беларуска, якая ўратавалася ў «Крокусе», расказала, як ёй гэта ўдалося
Беларускім топ-чыноўнікам у Валгаградзе раздалі каларадскія стужкі. Марзалюк застаўся з яблыневай ФОТЫ8
Каментары
Нарыжкин,может тебе еще дать ключ от квартиры где деньги лежат? Бездарное отребье умеющее только со студентами воевать.