Міграцыйнае агенцтва Швецыі перагледзіць справы аб наданні прытулку беларусам
Пра гэтую ініцыятыву паведамляюць Народныя амбасады Беларусі.
Учора на сайце Шведскага радыё была апублікаваная інфармацыя, што міграцыйнае агенцтва Швецыі гэтай восенню правядзе перагляд спраў аб прытулку з Беларусі. Раней установу ўжо крытыкавалі за выкарыстанне састарэлай інфармацыі пра краіну, якая не адлюстроўвае масавыя рэпрэсіі.
«Мы ўсведамляем гэтую інфармацыю і крытыку, якая была выказаная ў наш адрас», — заявіла Анна Ліндблад, намесніца юрыдычнага кіраўніка Міграцыйнай рады, у інтэрв'ю выданню Ekot.
Прадстаўнік Народнай амбасады Беларусі ў Швецыі Зміцер Васэрман так пракаментаваў гэту навіну:
«Мы, Народная амбасада Беларусі ў Швецыі, аднавілі дыялог з міграцыйным агенцтвам пасля таго, як у ліпені аператару Сяргея Ціханоўскага, Канстанціну Сярогіну, зноў адмовілі ў наданні прытулку, гэтым разам у міграцыйным судзе.
Гэты выпадак падкрэсліў, што, нягледзячы на абнаўленне інфармацыі аб Беларусі міграцыйным агенцтвам у лютым гэтага года, якая больш дакладна адлюстроўвае рэальнасць масавага тэрору ў краіне, агенцтва працягвае падтрымліваць свае папярэднія рашэнні ў судзе.
У сувязі з гэтым мы зноў звярнуліся да міграцыйнага агенцтва, каб звярнуць увагу на неадпаведнасць паміж абноўленай інфармацыяй па краіне і дзеяннямі агенцтва ў судах.
Рашэнне міграцыйнага агенцтва Швецыі аб пераглядзе спраў беларусаў было прынята на пачатку тыдня, яшчэ да таго, як апошні выпадак аб дэпартацыі стаў вядомы публічна, і не звязанае з ім.
Мы вітаем абнаўленне інфармацыі, аднак лічым крытычна важным, каб перагляд спраў беларусаў і беларусак аб наданні прытулку праводзіўся на фоне мараторыя на іх дэпартацыю. Гэта перашкодзіць высылцы тых беларусаў, па якіх ужо былі прынятыя рашэнні.
Мы будзем працягваць дыялог з міграцыйным агенцтвам, каб забяспечыць прыняцце рашэння аб мараторыі на дэпартацыі».
Беларус жыве ў доме, які пабудаваў з саломы, пяску і гліны. Пры гэтым ён — адзіны жыхар вёскі. Як адчуванні?7
Каментары
няма беларусаў - няма адмоваў у легалізацыі.
БІНГО!!