Рэспубліканскі клінічны медыцынскі цэнтр Кіраўніцтва справамі Лукашэнкі, які ў народзе называюць «Лечкамісія», аб'ядноўвае тры асноўныя платформы: медыцынскую, навуковую і адукацыйную.
Галоўная доктарка Рэспубліканскага клінічнага медыцынскага цэнтра Кіраўніцтва справамі Лукашэнкі Ірына Абельская падчас Першага беларуска-ўзбекскага жаночага бізнэс-форуму расказала, як працуе гэтая элітная ўстанова, піша БелТА.
Яна паказала гасцям з Узбекістана медыцынскую ўстанову.
Ірына Абельская расказала, што Рэспубліканскі клінічны медыцынскі цэнтр — гэта высокатэхналагічная медыцынская ўстанова, якая з'яўляецца, па сутнасці, міні-мадэллю сістэмы аховы здароўя з усімі ўзроўнямі аказання медыцынскай дапамогі.
«Наведваючы нашу ўстанову ў 2014 годзе, Лукашэнка сказаў, што наш медыцынскі цэнтр мае стаць пляцоўкай сучасных перадавых тэхналогій. Мы стараемся ісці па гэтым шляху», — адзначыла яна.
Медустанова сёння аб'ядноўвае тры асноўныя платформы: медыцынскую, навуковую і адукацыйную, працягнула галоўная доктарка.
Медыцынская дапамога тут арганізавана па прынцыпе замкнутага цыкла:
- амбулаторна-паліклінічнае назіранне,
- прафілактыка, дыспансерызацыя,
- ранняе выяўленне захворванняў,
- стацыянарная і высокатэхналагічная медыцынская дапамога, поўны дыягнастычны і інструментальны спектр і шматпрофільная медыцынская рэабілітацыя.
Такім чынам, пацыенты, трапляючы ў медыцынскі цэнтр, праходзяць увесь этап — ад пастаноўкі дыягназу да аднаўлення ўсіх жыццёвых функцый арганізма, зазначыла Ірына Абельская.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый2
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1111
Каментары