DeepSeek збірае даныя карыстальнікаў і ў незашыфраваным выглядзе дасылае ў Кітай
Вялікае даследаванне параметраў бяспекі нашумелага кітайскага чат-боту выявіла, што гэтых параметраў амаль не існуе. Афіцыйны дадатак DeepSeek у крамах Google і Apple збірае пра карыстальнікаў усё, што магчыма, і ў незашыфраваным выглядзе дасылае ў Кітай, адначасова даючы любым кіберзлачынцам ці спецслужбам магчымасць перахапіць увесь масіў прыватных даных. Асабліва гэта тычыцца ўладальнікаў тэхнікі Apple.
Паводле вядучых экспертаў па глабальнай кібербяспецы з буйной кампаніі NowSecure, нашумелы чат-бот DeepSeek, якога нядаўна назвалі «кітайскім забойцай ChatGPT», мае крытычныя прабелы ў бяспецы і прыватнасці, якія ўяўляюць сур'ёзную пагрозу для карыстальнікаў, прадпрыемстваў і ўрадавых арганізацый па ўсім свеце.
Вялікае даследаванне, якое пераважна канцэнтравалася на афіцыйным дадатку DeepSeek для аперацыйнай сістэмы iOS, выявіла, што
чат-бот збірае вельмі шырокі масіў прыватных даных карыстальнікаў — імёны, асабістыя ідэнтыфікатары, паролі, месцазнаходжанне, біяметрыю (адбіткі пальцаў і твару, голас), націсканні на экран і гэтак далей — а затым без усялякага шыфравання (а калі яно і ёсць, то вельмі старое) адпраўляе ўсе прыватныя даныя на серверы кітайскай карпарацыі ByteDance, уладальніцы платформы TikTok, якая цесна звязана з ваенна-прамысловым і выведвальным сектарамі Кітая.
Эксперты адзначылі, што дадатак DeepSeek незаўважна адключае на прыладах Apple сістэму App Transport Security (ATS), якая абараняе даныя карыстальнікаў ад перахопу ў інтэрнеце. Гэта азначае, што хакеры ці спецслужбы, дзякуючы DeepSeek, могуць узламаць прылады карыстальнікаў ці нават атрымаць над імі поўны дыстанцыйны кантроль.
NowSecure настойліва рэкамендуе ўсім карыстальнікам дадатку DeepSeek (не толькі на iOS) выдаліць яго з усіх сваіх прыладаў. На сённяшні момант дадатак спампавалі больш за 10 мільёнаў чалавек па ўсім свеце.
Сапраўдны кошт DeepSeek, кітайскага чат-боту, што абваліў фондавы рынак ЗША, аказаўся зусім не такім
Канал «Россия 1» паведаміў, што DeepSeek распрацаваны на аснове савецкага кода. Аказалася, гэта навіна з сатырычнага сайта
Apple можа здаць прыватныя даныя ўсіх сваіх карыстальнікаў у свеце спецслужбам Вялікабрытаніі. Гэта можа стаць небяспечным прэцэдэнтам
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый2
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1111
Каментары
І усе размовы пра прыватнасць, гэта такое сабе.
Адзіны надзейны сервіс бяспекі - гэта рубільнік.
это очевидно же.
НЕЛЬЗЯ пользоваться ничем российским и китайским.. ни алисами всякими, ни яндексами, ни дипсиками... это цифровой СИФИЛИС. дотронешься и будет плохо.