Уіткаф пра акупаваныя ўкраінскія тэрыторыі: Пераважная большасць людзей паказала, што хоча быць пад уладай Расіі
Спецпасланнік прэзідэнта ЗША Дональда Трампа ў інтэрв'ю Такеру Карлсану заявіў, што Крым і «так званыя чатыры рэгіёны: Данбас, Луганск і яшчэ два (Запарожская вобласць і Марыупаль)» з’яўляюцца галоўнымі перашкодамі для ўрэгулявання вайны, якую распачала Расія, піша «Украінская праўда».
«Яны рускамоўныя, былі рэферэндумы, дзе пераважная большасць людзей паказала, што хоча быць пад уладай Расіі. Я лічу, што гэта ключавое пытанне канфлікту», — сказаў Уіткаф, які на мінулым тыдні наведваў Маскву і размаўляў з Пуціным.
Уіткаф дадаў, што гэта — пытанне першачарговае, і вакол яго цяпер, паводле яго слоў, вядзецца «вельмі пазітыўная размова».
На яго думку, гэта заўсёды было праблемай, нягледзячы на тое, што, маўляў, ніхто не хоча пра гэта гаварыць адкрыта.
«Гэта слон у пакоі. Слон у пакоі — гэта канстытуцыйныя пытанні ўнутры Украіны пра тое, чым яны могуць ахвяраваць, калі гаворка ідзе пра адмову ад тэрыторый.
Расіяне дэ-факта кантралююць гэтыя тэрыторыі. Пытанне ў тым, ці прызнае свет, што гэта — расійскія тэрыторыі? І ці здолее Зяленскі палітычна выжыць, калі прызнае гэта? Вось што з’яўляецца цэнтральным пытаннем канфлікту. Абсалютна», — сказаў ён.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый2
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1111
Каментары
Ну і такія высновы. Гэты дыназаўр - маю на ўвазе Трампа зь яго палітыкай - усе ж відавочна разваліць гэты сусьвет і распачне наноў эпоху ПЕРАДЗЕЛУ сьвету па тэрыторыях. Прычым ЛІТАРАЛЬНА.