Стала вядома, што суддзі Мінскага раёна на выязным пасяджэнні разгледзелі справы яшчэ шасцярых чалавек, якіх затрымалі на святкаванні дня нараджэння вакалісткі музычнага фэнтэзі-фолк гурта IRDORATH Надзеі Калач, паведамляюць праваабаронцы.
Марыя Падаляк, Аляксандр Сінкевіч, Дзмітрый Шыманскі, Яўген Срэценскі, Міхаіл Аракчэеў і Аляксей Палаўчэня былі арыштаваныя на 15 сутак. Усіх затрыманых судзілі па арт. 24.3 КаАП за тое, што яны не адчынілі вароты сілавікам.
Нагадаем, 2 жніўня на лецішчы, дзе Надзея Калач святкавала дзень нараджэння, супрацоўнікі ГУБАЗіКа і САХРа затрымалі 16 чалавек. На наступны дзень прэс-служба МУС паведаміла, што на дзесяцярых чалавек склалі пратаколы за непадпарадкаванне супрацоўнікам міліцыі, а супраць яшчэ шасцярых распачалі крымінальныя справы за ўдзел у жнівеньскіх маршах.
Цяпер чытаюць
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі99
Каментары