Мужнасць. Марыну Золатаву намінавалі на прэмію «Рэпарцёраў без межаў»
У канцы лістапада 31-ы раз адбудзецца цырымонія ўзнагароджання прэміяй «Рэпарцёраў без межаў» (RSF) за свабоду прэсы. Адна з намінантак — галоўная рэдактарка Tut.by Марына Золатава, якая адбывае 12 гадоў няволі. Яе вылучылі ў катэгорыі «Мужнасць».
Цырымонія адбудзецца 28 лістапада ў Бруселі. Сёлета на прэмію вылучаны 21 намінант з 18 краінаў. У тым ліку 13 рэпарцёраў, 5 фотакарэспандэнтаў, два СМІ і адна асацыяцыя журналістаў, паведамляе Беларуская асацыяцыя журналістаў;
Галоўная рэдактарка Tut.by Марына Золатава, асуджаная на 12 гадоў зняволення, вылучана на прэмію ў намінацыі «Мужнасць». Апроч яе ў гэтай катэгорыі — журналісты з Гаіці, Пакістана, Егіпта і Ірана.
Беларускую журналістку «Рэпарцёры без межаў» называюць сімвалічнай фігурай, якая заўсёды абараняла незалежнасць свайго СМІ і медыя ў цэлым, нягледзячы на неаднаразовы пераслед.
RSF цытуе Марыну Золатаву: «Вінаваціць СМІ ва ўсіх праблемах — гэта ўсе роўна, што крыўдзіцца на люстэрка», — напісала яна за дзень да вынясення прысуду.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый2
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1010
Каментары