У сеціве з'явіўся праект «Непаслухмяныя Дзеці Кастрычніка». У першым выпуску творцы прапануюць паслухаць кнігу Міхася Зарэцкага «Мар'я».
Праект «Непаслухмяныя Дзеці Кастрычніка» хоча «пазнаёміць вас з літаратурай турбулентных часоў». Аўтары будуць агучваць творы рэпрэсаваных і расстраляных у 30-я гады паэтаў і пісьменнікаў.
«Як мы цяпер успрымаем каханне, гора, радасць, нараджэнне, смерць? Дакладна не так, як бы мы спакойна жылі. Нам цяперашнім — расчараваным, зацятым, упартым — ёсць пра што пагутарыць з тымі, хто жыў, як мы», — напісалі аўтары праекта.
Першы выпуск творцы прысвяцілі кнізе Міхася Зарэцкага «Мар'я». Яе ўжо можна паслухаць на ютубе, Spotify і падкаставай пляцоўцы Mave.
.
Міхась Зарэцкі — беларускі пісьменнік, сябра літаратурных аб'яднанняў «Маладняк» і «Полымя». У 1937 годзе яго расстралялі як «актыўнага члена нацыянал-фашысцкай тэрарыстычнай арганізацыі».
«Мар'я» — кніга Зарэцкага, прысвечаная гісторыі дзяўчыны, якую гвалтоўна выдалі замуж за непрыгожага і агіднага знешне Ягора. Ён прымусіў маладую жанчыну задушыць сваё дзіця, народжанае ад каханага хлопца Андрэя.
Цяпер чытаюць
Беларусь заняла другое месца па злачыннасці сярод еўрапейскіх краін. Як жа складалі такі рэйтынг?4
Беларусь заняла другое месца па злачыннасці сярод еўрапейскіх краін. Як жа складалі такі рэйтынг?
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі88
Каментары