Чудзянцова затрымалі 21 лістапада на пункце пропуску Брэст — Цярэспаль.
Падрабязнасці гісторыі распавёў «Нашай Ніве» журналіст Раман Пратасевіч.
«Чудзянцоў казаў мне, што знайшоў нейкую афіцыйную працу ў Варшаве. Атрымаў візу, і 21 лістапада сеў на цягнік да Варшавы, які ідзе праз Брэст. Там кароткая перасадка, падчас якой Чудзянцоў напісаў мне, што выйдзе на сувязь ужо калі пераедзе мяжу з Польшчай. Але на сувязь ён так і не выйшаў. У Варшаве яго сустракаў знаёмы — у цягніку Чудзянцова не было», — распавёў Пратасевіч.
Маці журналіста Ніна Зуева расказала карэспандэнту «Радыё Свабода».
«Валодзя ехаў у цягніку і выйшаў у прыбіральню, у гэты час мытнікі знайшлі ў яго ў сумцы пакецік з рэчывам, мне сказалі, што там былі наркотыкі. Яго затрымалі.
Пасля адразу правялі ператрусы ў нас дома ў Мінску. Тут таксама знайшлі некалькі пакетаў.
Прычым у такіх месцах, што я ніколі не магла б падумаць, што там можа нешта быць. Падымалі мэблю, перасоўвалі. Я не веру, што Валодзя мае да гэтага дачыненне, што гэта былі ягоныя пакеты».
Чудзянцоў знаходзіцца ў ізалятары часовага ўтрымання Ленінскага раёна Брэста.
Уладзімір Чудзянцоў займаецца журналістыкай з 1990-х. Тады ён займаўся пралукашэнкаўскай прапагандай. З цягам часу, змяніўшы прозвішча, уладкаваўся на Tut.by. Пасля звальнення заснаваў клікбэйтны сайт by24.org, заняў радыкальную антырасійскую пазіцыю. Апошнім часам хадзілі чуткі, што менавіта Чудзянцоў дапамагаў весці тэлеграм-канал «Нехта» Сцяпану Пуціле.
Чытайце. Блогеры: Сапраўднае прозвішча Чудзянцова Зуеў, ён пачынаў у 1996 з паклёпаў на Карпенку
Вынесены прысуд па забойстве жонкі блогера Чудзянцова
Цяпер чытаюць
Беларусь заняла другое месца па злачыннасці сярод еўрапейскіх краін. Як жа складалі такі рэйтынг?5
Беларусь заняла другое месца па злачыннасці сярод еўрапейскіх краін. Як жа складалі такі рэйтынг?
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі88
Каментары