«Прапануйце сваё заданне». Аўтарка дзіўнага чэленджа ў памяць пра блакадны Ленінград патлумачыла сваю пазіцыю
Упраўленне спорту і турызму Мінскага аблвыканкама запусціла анлайн-чэлендж «80 крокаў да Перамогі», прымеркаваны да заканчэння Другой сусветнай вайны. Ён праводзіцца з 9 красавіка да 9 мая, а заданні да яго вельмі дзіўныя. Выданне «Люстэрка» даведалася, хто аўтарка гэтай ідэі, і запыталася ў яе пра матывацыю.
Аўтаркай чэленджа аказалася супрацоўніца Галоўнага ўпраўлення спорту і турызму Мінаблвыканкама 26-гадовая Галіна Жаваранкава. Яна прафесійна займаецца гульнёй у гарадкі і з'яўляецца чатырохразовай чэмпіёнкай свету па гэтым відзе спорту.
Журналіст «Люстэрка» пад выглядам звычайнага грамадзяніна датэлефанаваўся да Жаваранкавай з пытаннем, ці не лічыць яна дзіўнымі гэтыя заданні. Напрыклад, як звязаная мінімальная порцыя хлеба ў блакадным Ленінградзе і 125 секунд стаяння на адной назе з кнігай на галаве?
«Вы можаце не ўдзельнічаць у чэленджы, калі не хочаце, — абурылася Жаваранкава. — Калі не падабаюцца заданні, прапануйце іншыя».
Яна таксама дадала, што распрацоўвала заданні адначасова для дарослых і дзяцей.
«Каб усе маглі паўтарыць. Для дзяцей мы нават спрасцілі ўмовы — стаяць на адной назе яны могуць 40 секунд, а не 120, як дарослыя», — заявіла жанчына.
Чаму ўдзельнікам не прапанавалі выканаць песню пра вайну ці расказаць верш, напрыклад?
— Мы ж спартыўная арганізацыя, а не ўстанова культуры, — адказала чыноўніца.
— Людзі не скардзяцца, не смяюцца? Я адзіны, хто абураны? — удакладніў журналіст «Люстэрка».
— Не, не скардзяцца, вы адзіны. Адзін чалавек пасмяецца, другі — не. Прапануйце сваё заданне», — парыравала Жаваранкава.
Яна таксама адзначыла, што ў чэленджы «паўдзельнічала ўжо шмат людзей».
Дарэчы, па хештегу «#80шаговкпобеде» можна знайсці аднайменную акцыю і ў Расіі. Так, яна праходзіць у Белгарадскай вобласці. Там падлеткі пераапранаюцца ў вайсковую форму часоў Другой сусветнай вайны, маршыруюць з савецкім сцягам, спяваюць ваенныя песні, танцуюць і чытаюць вершы.
Стаяць на адной назе з кнігай на галаве ў памяць пра блакаду Ленінграда. Чыноўнікі запусцілі вельмі дзіўны чэлендж да 9 Мая
Дзясяткі аднолькавых аўтобусаў. Як звозілі людзей на канцэрты нявесткі Лукашэнкі
«Взвейтесь кострами» ў іншай форме вярнулася ў школы». Што цяпер адбываецца ў беларускай адукацыі?
У Нацыянальным мастацкім музеі выставілі працы Z-мастакоў, прыкрыўшыся тэмай «Вялікай Айчыннай вайны»
Цяпер чытаюць
Беларусь заняла другое месца па злачыннасці сярод еўрапейскіх краін. Як жа складалі такі рэйтынг?4
Беларусь заняла другое месца па злачыннасці сярод еўрапейскіх краін. Як жа складалі такі рэйтынг?
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі88
Каментары