Ігар Тур: Надпісы «1941-1945, можам паўтарыць!» сведчаць аб прыдуркаватасці таго, хто іх піша
Прапагандыст АНТ абрынуўся з крытыкай на аматараў падобных лозунгаў.
«Гадоў пяць таму і раней у інтэрнэце пасля Дня Перамогі часцей за ўсё разгараліся дыскусіі вакол або лозунгаў у вуснай форме, або надпісаў дзесьці на платах або аўтамабілях, маўляў, «41-45 — можам паўтарыць!»
Адны гэта пісалі і ганарыліся тым, што так робяць, іншыя іх неміласэрна крытыкавалі, маўляў, ідыёты вы, якое паўтарыць, успомніце ветэранаў, якія якраз і прайшлі 41-45 — яны ніколі не скажуць «можам паўтарыць!», яны заўсёды ціхенька паўтараюць «абы не было вайны».
У такіх тэмах у сацсетках заўсёды былі жорсткія спрэчкі ў каментарах паміж, на мой погляд, балаболамі і адэкватнымі людзьмі, таму што вось гэтыя надпісы «можам паўтарыць!» на мой погляд, сведчаць аб прыдуркаватасці таго, хто піша.
А вось назіранне: калі пачалася Спецыяльная ваенная аперацыя на Украіне, пераўтвораная затым дэ-факта ў вайну…
Праблема знікла сама сабой, і які год на Дзень Перамогі мы ў асноўным пазбаўленыя ад такой вось публічнай дэманстрацыі прыдуркаватасці асобных індывідаў.
Вайна — гэта страшна. Адны гэта памяталі і памятаюць, іншыя памяталі, але забывалі… Сучаснасць усіх прымусіла ўспомніць — або даведацца, калі гаворка пра маладое пакаленне.
Ва ўсіх ёсць магчымасць паглядзець хоць бы кадры з фронту, якія і на 3% не адлюстроўваюць усіх жахаў гэтай вайны — і неяк ні ў каго не ўзнікае жадання ўзяць і паўтарыць асабіста, праўда?
Вайна ў кнігах і кінафільмах гераізаваная і рамантызаваная. Вайна рэальная — гэта страх, смерць, кроў, смерць, жах, смерць, безнадзейнасць, смерць, трывога, смерць, надзея — і зноў смерць.
Любы дрэнны мір лепш вайны — спытаеце гэта ў каго заўгодна, хто на вайне быў», — напісаў Тур.
«Белпол» затроліў Ігара Тура — здабылі пасведчанне прапагандыста з Усебеларускага сходу
Прапагандыст Тур, які крытыкаваў сонных чыноўнікаў на нарадах, сам заснуў падчас прамовы Лукашэнкі
Жыгімонт і Бондарава звінавацілі Тура ў ідэалагічнай дыверсіі
Як прапагандыст Ігар Тур стаў любімчыкам Лукашэнкі і колькі зарабіў у 2020-м
Цяпер чытаюць
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі66
Каментары
P.s. Карацей, пайшоў ты на ..., ігарок. Вайна ўжо тут, і ты з табе падобнымі пачварамі тры з паловай гады льяце ваду на яе млын. Праз вас забіваюць у тым ліку беларусаў. Праз вас згараюць зажыва немаўляты ў матчыных абдымках. Каб вы самыя так "змаглі паўтарыць" - згарэлі к чортавай мацеры!