Кіраўнік Пентагона патлумачыў, навошта ЗША перадаюць Украіне супрацьпяхотныя міны
Міністр абароны ЗША Лойд Осцін заявіў, што рашэнне па адпраўцы ва Украіну супрацьпяхотных мін прадыктаванае новай тактыкай расійскіх вайскоўцаў на фронце, паведамляе CNN.
«Яны больш не вядуць наступ механізаванымі сіламі. Яны дзейнічаюць з дапамогай пяхоты, якая здольная падысці і пракласці шлях механізаваным войскам», — сказаў Осцін журналістам падчас свайго знаходжання ў службовай камандзіроўцы ў Лаосе.
Осцін сказаў, што ўкраінскім вайскоўцам патрэбная зброя, якая дапаможа «запаволіць гэтыя намаганні».
«Міны, якія мы хацелі б ім даць — гэта міны, якія не з'яўляюцца мінамі пастаяннага дзеяння. Гэта значыць, мы можам кантраляваць, калі яны самаактывуюцца, самазнішчаюцца, і гэта робіць іх значна больш бяспечнымі», — дадаў кіраўнік Пентагона.
Ён падкрэсліў, што Украіна павінна несці адказнасць за ўлік месцазнаходжання гэтых мін.
Вайсковы аглядальнік Рускай службы Бі-бі-сі Ілья Абішаў пракаментаваў рашэнне амерыканскага кіраўніцтва так:
«Патрэбы УСУ ў супрацьпяхотных мінах абвастраюцца па меры таго, як расійскае камандаванне ўсё больш робіць стаўку на атакуючыя дзеянні вялікай колькасцю жывой сілы.
Каб утрымліваць пазіцыі ва ўмовах колькаснай перавагі праціўніка, украінскай арміі патрабуюцца магутныя фартыфікацыі на вялікай працягласці лініі фронту. Такім чынам, ёй трэба шмат супрацьпяхотных мін — і пакуль незразумела, ці здольны дазвол Байдэна на іх пастаўкі закрыць дэфіцыт.
Тым больш што міны — хоць і важны, але не адзіны ключавы элемент супрацьпяхотных загарод. Да таго ж яны даволі хутка выдаткоўваюцца — асабліва такія, што самі абясшкоджваюцца, якія ЗША маюць намер перадаць Украіне».
УСУ ўпершыню ўдарылі па Расіі брытанскімі ракетамі Storm Shadow
Зяленскі: Цяпер у нас ёсць ATACMS. Мы ўсё гэта будзем выкарыстоўваць
«Гэта кардынальна мяняе ўвесь расклад у вядзенні баявых дзеянняў». Што Z-блогеры думаюць пра ўдары ATACMS па Расіі?
Кепскі мір ці зацяжная вайна. Як Украіна рыхтуецца да таго, што Трамп паспрабуе адразу пасадзіць яе за стол перамоваў
Джо Байдэн ухваліў пастаўкі ва Украіну супрацьпяхотных мін
Вайскоўцы: Супрацьпяхотныя міны «Лепесток» немагчыма раскідваць уручную
Цяпер чытаюць
Беларусь заняла другое месца па злачыннасці сярод еўрапейскіх краін. Як жа складалі такі рэйтынг?3
Беларусь заняла другое месца па злачыннасці сярод еўрапейскіх краін. Як жа складалі такі рэйтынг?
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі88
Каментары