Пратасевіч: Вядомыя выпадкі, калі зняволеныя адмаўляліся прызнаваць віну і ўсё адно атрымлівалі памілаванне
Раман Пратасевіч напісаў пост з парадамі, як вязням трэба пісаць просьбу да Лукашэнкі пра памілаванне. Сярод іншага ён зрабіў заяву, якая супярэчыць сцверджанням прапаганды.
Раман Пратасевіч піша, што няма нідзе шаблону, як правільна палітвязням пісаць памілоўку (прашэнне пра памілаванне).
Ён прапануе вязням свае парады. Так, напрыклад, ён піша, што «словы «Паважаны Аляксандр Рыгоравіч» неабходна напісаць не адзін раз, а два — першы раз, як і ва ўзоры, у пачатку тэксту, а другі — у канцы».
Але самае цікавае тое, што Пратасевіч піша, што вядомыя выпадкі, калі зняволеныя адмаўляліся прызнаваць віну і ўсё адно атрымлівалі памілаванне. Гэта здараецца, паводле яго слоў, калі прапанова напісаць прашэнне ідзе ад самой адміністрацыі калоніі.
Калі ж вязень піша прашэнне са сваёй ініцыятывы і не прызнае віны, то гэтаму звароту нават не дадуць руху.
У той жа час прапаганда нязменна сцвярджае, што ўсе палітвязні, хто выйшаў па памілаванні, прызналі сваю віну.
Цяпер чытаюць
Беларусь заняла другое месца па злачыннасці сярод еўрапейскіх краін. Як жа складалі такі рэйтынг?3
Беларусь заняла другое месца па злачыннасці сярод еўрапейскіх краін. Як жа складалі такі рэйтынг?
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі88
Каментары