Старэйшая дачка тэнісіста Максіма Мірнага паўдзельнічала ў паказе Армані ў Мілане
Жонка вядомага ў мінулым беларускага тэнісіста Максіма Мірнага Ксенія расказала ў сацсетках, што яе старэйшая дачка Меланія выступала на Тыдні моды ў Мілане, заўважыла «Люстэрка».
«Захапляемся і адчуваем кожную хвіліну гэтага моманту, калі наша Меланія выходзіць на подыум для Emporio Armani на Тыдні моды ў Мілане. Восень-зіма 2025/26 — элегантнасць, стыль і вытанчанасць. Дзякуй усім, хто побач і шчыра падтрымлівае нас!» — напісала Ксенія на беларускай і англійскай мовах.
«Перапоўненая падзякай за магчымасць прыняць удзел у гэтым шоу і атрымаць такі досвед», — у сваю чаргу напісала Меланія.
Знакаміты дызайнер Джорджа Армані стварыў моладзевую лінію адзення, абутку і аксесуараў Emporio Armani ў 1981 годзе.
Старэйшая дачка Максіма Мірнага Меланія нарадзілася 16 снежня 2004 года ў ЗША. Усяго ў былой першай ракеткі ў парным разрадзе чацвёра дзяцей.
Нагадаем, у 2023 годзе Мірны прыехаў у Мінск правесці майстар-клас. Заадно спартовец зрабіў неадназначную заяву, у якой выказаў шкадаванне аб яго больш ранняй крытыцы гвалту сілавікоў у дачыненні да беларусаў пасля выбараў 2020 года. Неўзабаве пасля гэтага стала вядома, што Мірнаму спатрэбілася аперацыя — выдаліць пухліну ў галаве. Максім добра перанёс хірургічнае ўмяшанне і разам з сям'ёй з'ехаў з Беларусі для працягу лячэння.
Цяпер чытаюць
Беларусь заняла другое месца па злачыннасці сярод еўрапейскіх краін. Як жа складалі такі рэйтынг?1
Беларусь заняла другое месца па злачыннасці сярод еўрапейскіх краін. Як жа складалі такі рэйтынг?
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі77
Каментары