Некалькі тыдняў таму стала вядома пра пагаршэнне стану каталіцкага іерарха, а вернікаў нават заклікалі маліцца за яго здароўе. Пазней арцыбіскуп-эмерыт апублікаваў відэа, дзе расказаў пра свой стан. А што з ім зараз?
17 сакавіка сам арцыбіскуп паведаміў пра метастазы ў лёгкіх у выніку анкалагічнага захворвання.
Паводле сведчанняў вернікаў, арцыбіскуп працягвае курс хіміятэрапіі. Ён ужо перанёс два ўводы прэпаратаў, а наступны прызначаны пасля Вялікадня. Колькі курсаў спатрэбіцца ўсяго — пакуль невядома, піша katolik.life.
Праведзеную тэрапію арцыбіскуп Тадэвуш перанёс добра, без ускладненняў. Пасля двух курсаў лячэння ганаровы іерарх адчувае сябе стабільна: прыходзіць у капліцу на малітву, сам служыць святую Імшу, выходзіць на прагулкі каля дому. Ён гатовы і надалей наведваць парафіі і маліцца з вернікамі па запрашэнні пробашчаў.
На наступным перадвелікодным тыдні арцыбіскуп мае намер наведаць некалькі парафій каля Мінска.
Цяпер чытаюць
Беларусь заняла другое месца па злачыннасці сярод еўрапейскіх краін. Як жа складалі такі рэйтынг?4
Беларусь заняла другое месца па злачыннасці сярод еўрапейскіх краін. Як жа складалі такі рэйтынг?
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі88
Каментары