Раніцай Вербнай нядзелі расіяне ўдарылі дзвюма балістычнымі ракетамі па цэнтры Сум. Дзясяткі загінулых
Раніцай 13 красавіка расіяне ўдарылі дзвюма балістычнымі ракетамі па цэнтры горада Сумы. Цяпер вядома найменей пра два дзясяткі загінулых. Сёння і праваслаўныя, і каталікі адзначаюць вялікае рэлігійнае свята — Вербную нядзелю.
«У выніку ўдару ракеты ёсць шмат загінулых. Вораг зноў ударыў па мірным насельніцтве», — напісаў выконваючы абавязкі мэра Сум Арцём Кабзар.
Ужо вядома пра 34 загінулых.
«Варожыя ракеты ўдарылі па звычайнай гарадской вуліцы, па звычайным жыцці: дамы, адукацыйныя ўстановы, машыны на вуліцы… і гэта ў дзень, калі людзі ідуць да цэркваў: Вербніца, свята ўваходу Гасподняга ў Іерусалім», — напісаў прэзідэнт Украіны Уладзімір Зяленскі.
Ён заявіў, што патрэбна жорсткая рэакцыя свету: «Злучаных Штатаў, Еўропы, усіх у свеце, хто хоча заканчэння гэтай вайны і забойстваў».
«Размовы яшчэ ніколі не спынялі балістыку і авіябомбы. Трэба такое стаўленне да Расіі, якога заслугоўвае тэрарыст», — напісаў Зяленскі.
Каментароў ад расійскіх уладаў на дадзены момант няма. Прэс-сакратар расійскага МЗС Марыя Захарава пасля навін аб трагедыі ў Сумах напісала: «З Вербнай нядзеляй!»
Цяпер чытаюць
Беларусь заняла другое месца па злачыннасці сярод еўрапейскіх краін. Як жа складалі такі рэйтынг?2
Беларусь заняла другое месца па злачыннасці сярод еўрапейскіх краін. Як жа складалі такі рэйтынг?
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі77
Каментары