Спецыяльны пасланнік Трампа Стыў Уіткаф можа зноў наведаць Расію пасля сустрэчы прадстаўнікоў Вашынгтона, Украіны і Еўропы ў Лондане напрыканцы гэтага тыдня, піша The Wall Street Journal са спасылкай на крыніцы.
Заходнія чыноўнікі распавялі газеце, што на сустрэчы, якая адбылася ў Парыжы 17 красавіка, амерыканская дэлегацыя прадставіла Украіне канфідэнцыйны дакумент. У гэты ж дзень ён быў паказаны і еўрапейскім чыноўнікам.
Дзярждэпартамент ЗША пацвярджаў, што амерыканцы прадставілі «контуры трывалага міру ва Украіне». Пра прапановы быў праінфармаваны расійскі бок.
Зараз Вашынгтон чакае адказу ад Кіева, і чакаецца, што ён будзе атрыманы на сустрэчы прадстаўнікоў ЗША, Украіны і ЕС у Лондане напрыканцы гэтага тыдня.
Затым, калі пазіцыі ЗША, Украіны і Еўрасаюза супадуць, прапановы могуць быць перададзены Маскве, кажуць крыніцы.
Цяпер чытаюць
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі66
Каментары