Новы альбом «Вольнага хору» пад назвай «Наша песня» будзе складацца з 17 беларускіх твораў, сярод якіх значную частку складае беларуская харавая спадчына, знойдзеная ў Беларускай бібліятэцы імя Францыска Скарыны ў Лондане. Пад гэты праект «Вольны хор» абвясціў збор сродкаў.
«Мы спадзяемся, што вяртанне забытых і невядомых твораў узбагаціць нашу культуру і будзе важнай сувяззю для нас з нашымі каранямі і нашай гісторыяй. У альбом таксама ўвойдуць творы сучасных кампазітараў, напісаныя на вершы расстраляных паэтаў, няхай памяць аб іх гучыць! Будуць у альбоме і вядомыя сучасныя творы беларускіх артыстаў у харавых апрацоўках, якія знойдуць новае гучанне», — анансуе «Вольны хор».
Для запісу альбома патрэбна 4 700 еўра, у гэтую суму ўваходзяць запіс, звядзенне, мастэрынг, дызайн і выпуск накладу. Па выніку альбом будзе размешчаны на ўсіх музычных анлайн-пляцоўках з бясплатным доступам і выдадзены наклад кружэлак для бясплатнага распаўсюду.
Падтрымаць новы альбом можна па спасылцы.
У гурта РСП выйшаў новы альбом
11 песень-заклёнаў — у Анастасіі Рыдлеўскай выйшаў новы альбом на трох мовах
«Стары сабака памёр без мяне. Трэба будзе знаёміцца з новым». Вакаліст гурта Ulis Слава Корань расказаў, як эміграцыя не дае яму пісаць
«Танцавала рыба з ракам». Як па-беларуску гучыць песня з крынджовага тыктока
Шпакоўскі пра саўладальніка «Варгеймінга» Кацалапава: Прафінансаваў пратэсты на 296 тысяч даляраў2
Каментары