Клубніцы ад 12,5 рубля, буякі па 100. Што прадаюць на вясновай Камароўцы
Зеляніна, рэдзька, маладая капуста і першыя скрыначкі клубніц ужо занялі свае месцы на прылаўках. На шэрагах сапраўднае свята вітамінаў. Малады часнык каштуе каля 25 рублёў за кілаграм, а за пучок кропу ці пятрушкі просяць ад 2 да 3 рублёў. Але асабліва вылучаецца зялёная цыбуля — 3—4 рублі за пучок, піша Onliner.by.
Радыска ўжо на ўсю моц прадстаўлена на прылаўках — сакавітая, хрумсткая і на здзіўленне недарагая — каля 7 рублёў за кілаграм. Буракі і морква са старых запасаў каштуюць па 1,2—1,5 рубля, а за маладую капусту просяць каля 6. Бульба застаецца стабільнай — 2-3, 5 рубля за кіло.
Таматы пачынаюцца ад 5 рублёў і даходзяць да 25, перац каштуе плюс-мінус 7 рублёў за кіло, агуркі таксама зафіксаваныя ў раёне 7 рублёў.
А вось клубніцы — для тых, хто вельмі засумаваў. Беларускіх яшчэ няма, але імпартныя можна знайсці ад 12 да 15 рублёў за кілаграм (уважліва вывучайце цэннікі — часам такая «стаўка» ўсяго за паўкілаграма). З'явіліся і першыя буякі, цана — 100 рублёў за кіло.
Цяпер чытаюць
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі
Каментары