Каб набраць добрай, трэба пакорпацца. Новая рэвізія бульбяной прапановы ў крамах Мінска засведчыла сумны стан
Каб набыць у сярэдзіне красавіка самую галоўную беларускую гародніну, мінчукам даводзіцца доўга корпацца ў скрынках і прыдзірліва адбіраць клубні. Як правіла, у крамах можна знайсці толькі адзін від бульбы, і нават самыя дарагія ўзоры ўраджаю 2024 года маюць не вельмі таварны «стомлены» знешні выгляд, паказала праверка выдання «Салідарнасць».
Паврдле зробленых назіранняў, пакупнікі бяруць не больш за паўтара-два кілаграмы на рукі.
Самая танная цана на бульбу ў Мінску — 1,08 рубля за кілаграм.
Па такой цане, прычым адзіны від бульбы ў агароднінным аддзеле, знайшлі ў невялікіх крамах «каля дома» — «Капеечка» і «Еўраопт», а таксама ў вялікай краме «Суседзі». Выглядае гэтая бульба не вельмі прэзентабельна — зморшчаная, у парэзах і «баразёнках».
У «Еўраопце» і «Суседзях» бульба зусім дробная, у «Капеечцы» клубні буйнейшыя.
У гіпермаркеце Green таксама прадаецца бульба па 1,08 рубля з пазнакай «Сацыяльна значны тавар». Яна выглядае значна лепш, чым, напрыклад, тая, якая прадаецца ў гэтым самым гіпермаркеце мытая і нейкая падпсаваная па 2,99 рубля за кілаграм.
У Green таксама ёсць адкалібраваная мытая бульба па 3,20 рубля за кіло, расфасаваная ў пакеты па 2,5 кілаграма, аднак купляць яе не вельмі хочацца. Фасаваная мытая бульба для запякання па 2,69 рубля за кілаграм выглядае больш «жывой».
У гіпермаркеце «Гіпа» таксама знайшлі толькі адзін від бульбы — мытую па цане 2,99 рубля за кіло. Купцам даводзіцца доўга выбіраць «дарагія» бульбіны без «вочак» і «баразёнак».
Самую прывабную для куплі бульбу знайшлі ў гандлёвым павільёне з дарагімі гароднінай і садавіной па цане 3,5 рубля за кілаграм.
Праблема з бульбай у Беларусі ўжо не першы месяц вырашаецца на ўзроўні ўрада, а часам пра яе згадвае нават Лукашэнка.
Што адбываецца з бульбай у Беларусі і чаму яе стала менш у крамах. Рэч не толькі ў змяншэнні аб'ёмаў пасадак
Прадуктовы кошык на Вялікдзень у Беларусі і Польшчы — параўнанне цэнаў
«Як на корм свінням»: глядзіце, што цяпер з бульбай у Мінску
Працягнулі тэрмін ліцэнзавання вывазу бульбы з Беларусі
У 10% правераных беларускіх крам прадавалі няякасную бульбу
Лукашэнка сказаў, што людзям павінны быць па кішэні бульба, цыбуля і капуста, але не авакада
Шпакоўскі пра саўладальніка «Варгеймінга» Кацалапава: Прафінансаваў пратэсты на 296 тысяч даляраў2
Каментары
Гэны "председацель" дакіруецца яшчэ пабачым.